Wednesday, February 5, 2025

ಮುಂಜಾನೆಯ ಬೆಳಕು ಕುಕ್ಕುಟವಾಯ್ತು

 ಮುಂಜಾನೆಯ ಬೆಳಕು ಕುಕ್ಕುಟವಾಯ್ತು 

ಕಣ್ಣೆರಡನು ಹೊರಲೋಕಕೆ ತೆರೆದಾಯ್ತು! 

ಒಳಗಣ ಲೋಕವ ಕಾಣುವ ಕಣ್ಣನು 

ತೆರೆಯುವ ಸಮಯವು ಬಂದಾಯ್ತು!


ಕಣ್ಣನು ಒರೆಸಿರಿ, ಮಣ್ಣನು ತೊರೆಯಿರಿ, 

ಕಾಣದ ಒಳಸಿರಿ ಹೊನ್ನನು ಬಯಸಿರಿ

ಬಾಳನು ಬಾಳುವ ಸೂಕ್ಷ್ಮವನರಿಸಿರಿ

ಪಡೆಯಿರಿ ಲೋಕವ ಗೆಲ್ಲುವ ಪರಸಿರಿ 🥰🙏🏼 shubhOdaya! 


The morning rays are the rooster,

that has opened the eyes to the outer world! 

Time has come to open the inner eyes to witness the world within! 

Rub your eyes, remove the dust,

seek to peek into the unseen world, 

learning the subtle ways to live life,

earn the divine wealth to win over this world! 

Good morning 😁😁🥰🥰🙏🏼🙏🏼


ನಂಬಿದೆ ನೀನಾರನಾ?

 ನಂಬಿದೆ ನೀನಾರನಾ? 

ನೋವು ಕೊಡುವ ಮಾರನ!

ಜೊತೆಗೆ ಬಂದ, ನಿನ್ನ ಕೊಂದ,

ಮಹಾ ದಗಾಕೋರನ!

ನಂಬಿಕೆಯ ಪಾಶದಲ್ಲಿ,

ಸಂಬಂಧದ ಕೂಪದಲ್ಲಿ,

ನಿನ್ನ ತಳ್ಳಿ, ಕಡೆದು ಬಳ್ಳಿ,

ಭಾವದ ವ್ಯಾಪಾರನಾ!

ಖುಷಿಯ ತೋರಿ, ಹುಸಿಯ ಮಾರಿ, 

ಕೈಯ್ಯಕೊಟ್ಟು ಬೇರೆ ಹಾರಿ,

ದೂರದಿಂದ ಒಲವ ತೋರೊ,

ನಿನ್ನ ಚಿತ್ತ ಛೋರನಾ,

ಇಂತ ಮೋಸಗಾರನಾ! 

ನಂಬಿದೆ ನೀನಾರನಾ? 

ನೋವು ಕೊಡುವ ಮಾರನ!

ಜೊತೆಗೆ ಬಂದ, ನಿನ್ನ ಕೊಂದ,

ಮಹಾ ದಗಾಕೋರನ!


ಕಳೆ ಬೆಳೆಯ ಕ್ಷೀಣಿಪುದು

 ಕಳೆ ಬೆಳೆಯ ಕ್ಷೀಣಿಪುದು, ಕೆಳೆ ಬಾಳ ವೃದ್ದಿಪುದು! ಕಳೆಯ ಕೊಳೆಯ ಕಿತ್ತೆಸೆದು, ಈ ಇಳೆಯ ಸೊಬಗ ಸೂಸೆಂದ ಗಿರಿಚಂದ್ರ!

Weeds ruin the crops. Friendships create prosperity in life. Discard the filth of the weeds, and enjoy the harvest on Mother Earth. 

ಮಸಣವಾಗಿಸಬೇಡ ಮನಸ,

 ಮಸಣವಾಗಿಸಬೇಡ ಮನಸ,

ಕಸವನಾಗಿಸಬೇಡ ಕನಸ!

ಹೊಸತನವ ನೀ ಹೆಡೆದು,

ಹುಸಿತನವ ನೀ ತೊಡೆದು, 

ಸಸಿಯ ನೆಡೆ, ಮುಂದೆ ನಡೆ,

ನಿನ್ನರಿವಿರಲಿ ಎಲ್ಲ ಕಡೆ, 

ತಟ್ಟದೆಯೆ ನಿನ್ನ ತೊಡೆ,

ಬಿಚ್ಚದೆಯೆ ನಿನ್ನ ಹೆಡೆ,

ಶಾಂತಿಯನು ನೀನು ಪಡೆ,

ಅಲ್ಲಿಯೇ ಭಗವಂತನೆಡೆ! 

ಅಲ್ಲಿಯೇ ಭಗವಂತನೆಡೆ!


ದಿನಕರನು ಶುಭಕರನು, ಶುಭವನ್ನೆ ಸಾರುವನು,

 ದಿನಕರನು ಶುಭಕರನು, ಶುಭವನ್ನೆ ಸಾರುವನು,

ಕಿಂಕರನಭಯಕರನು, ಲಂಕವನೇ ಹಾರುವನು!

ರುಕ್ಮಿಣಿಗೆ ಒಲಿದವನು, ಮೇಲಕೆ ಒಯ್ಯುವನು,

ಸೀತೆಯಾ ಗೆದ್ದವನು, ಲೋಕವನು ಕಾಯುವನು!

ವಾಮನಾ ರೂಪದಲಿ ರಾಕ್ಷಸನ ತುಳಿಯುವನು,

ಪ್ರಳಯದಾ ಕಾಲದಲಿ ತಾನೊಬ್ಬ ಉಳಿಯುವನು!

ಶ್ರೀ ಕೃಷ್ಣ ಶ್ರೀ ಕೃಷ್ಣ ಶ್ರೀ ಕೃಷ್ಣ ಕೃಷ್ಣ 

ಶ್ರೀ ಕೃಷ್ಣ ಶ್ರೀ ಕೃಷ್ಣ ಶ್ರೀ ಕೃಷ್ಣ ಕೃಷ್ಣ 

ಶ್ರೀ ಕೃಷ್ಣ ಶ್ರೀ ಕೃಷ್ಣ ಶ್ರೀ ಕೃಷ್ಣ ಕೃಷ್ಣ


ನಿನ್ನ ನಗು ಕೊಡು ನನಗೂ

 ನಿನ್ನ ನಗು ಕೊಡು ನನಗೂ 

ಓ ನನ್ನ ಮುದ್ದು ಮಗು!

ನೀ ನನಗೂ ನಾ ನಿನಗೂ! 

ಉತ್ಸಾಹದಿ ಮುಂದೆ ಒಗು!


ಕಷ್ಟಗಳ ಮಳೆಯು ದಿಟ,

ಬಾಳಿನಲಿ ಒಂದು ಪುಟ!

ಅನುಭವಗಳೆ ನಮ್ಮ ಮಠ,

ಜೀವನದಲಿ ಇರಲಿ ಹಠ!


ಸಾವು ನೋವು ನೂರಾರು,

ಜನ್ಮ ನಮದು ಸಾವಿರಾರು,

ಲೆಕ್ಕವಿಲದ ತಲೆಮಾರು,

ವಿಧಿಯ ಮುಂದೆ ನಾವ್ಯಾರು!


ಕಷ್ಟಗಳು ನೂರಿರಲಿ,

ಸಾಧಿಸುಸ ಛಲವಿರಲಿ,

ಯಾವುದೇ ಫಲವಿರಲಿ,

ನಂಬಿಕೆಯ ಬಲವಿರಲಿ! 

ಬಾಳಿನಲಿ ಒಲವಿರಲಿ,

ಬಾಳಿನಲಿ ಒಲವಿರಲಿ

ಚಂದ್ರನ ಬೆಳಕಿಗೆ ಕರಗುವ ಹೆಣ್ಣು

 ಚಂದ್ರನ ಬೆಳಕಿಗೆ ಕರಗುವ ಹೆಣ್ಣು,

ಸೂರ್ಯನ ಶಾಕವ ಎದರಿಸೊ ಹೆಣ್ಣು

ಭೂಮಿಯ ಮಣ್ಣು, ಸಾರದ ಕಣ್ಣು

ನೀನೇ ಹಣ್ಣು, ನೀನೇ ಗಿಣ್ಣು! 

ನೀನೇ ಹೊನ್ನು, ನೀನೇ ಚೆನ್ನು,

ನಡೆಸಲು ನಮ್ಮನು ನೀನೇ ಬೆನ್ನು! 

ಬಾಳಿನ ನವಿಲಿಗೆ ನೀನೆ ಗರಿಯು

ಚಿತ್ತದ ನಲಿವಿಗೆ ನೀನೇ ಗುರಿಯು!

ನೀನೇ ನೀರು, ನೀನೇ ಗಿರಿಯು

ಪ್ರಕೃತಿಯು ನೀನೆ, ಸುಕೃತಿಯು ನೀನೆ

ಸಂಸ್ಕಾರದ ದೀಪವು, ಬೆಳಕೂ ನೀನೆ! 

ನೀನನಗೆಲ್ಲವು, ನೀನನದೆಲ್ಲವು!

ನೀನೆ ನಾನು! ನಾನೇ ನೀನು!


ಮುಂಜಾನೆಯ ಬೆಳಕು ಕುಕ್ಕುಟವಾಯ್ತು

 ಮುಂಜಾನೆಯ ಬೆಳಕು ಕುಕ್ಕುಟವಾಯ್ತು  ಕಣ್ಣೆರಡನು ಹೊರಲೋಕಕೆ ತೆರೆದಾಯ್ತು!  ಒಳಗಣ ಲೋಕವ ಕಾಣುವ ಕಣ್ಣನು  ತೆರೆಯುವ ಸಮಯವು ಬಂದಾಯ್ತು! ಕಣ್ಣನು ಒರೆಸಿರಿ, ಮಣ್ಣನು ತೊರೆಯಿ...